فردوس تبسم قریشی

پہلی ملاقات سے آخری ملاقات تک ۔ فردوس تبسم قریشی

تحریکی رابطوں کے ذریعے مجھے کچھ خواتین سے حریم ادب کا پتہ چلا جہاں لکھاریوں کی باقاعدہ محفل ہوتی ہے یہ سن کرمیں بہت خوش ہوئی چنانچہ اپنے شوق کی تکمیل کے لیے اپنے شوہر کے ساتھ بیتِ احسن گئی ۔ اُس دن میں بالکل اُس چھوٹے طالب علم کی طرح گھبرائی ہوئی تھی جیسے اُس کا سکول میں پہلا دن ہو۔ گیارہ بجے حریمِ ادب کا آغاز فرات غضنفر صاحبہ کی زیر صدارت ہؤا۔تلاوت کلام پاک اورمختصر درسِ قرآن کے بعد سب سے پہلے مجھے ہی بولنے کاموقع دیا جسے سن کر میں گھبرا گئی لیکن ایک با وقار خاتون نے مجھے حوصلہ دیتے ہوئے کہا گھبرائونہیں اعتماد کے ساتھ سنائو جو کچھ لکھ کر لائی ہو ۔مجھے اُن کا دوستانہ اور بے تکلفانہ انداز بہت اچھا لگا حالانکہ مجھے نہیں معلوم تھا کہ یہ شخصیت کون ہے ۔
وہ فرزانہ چیمہ تھیں محفل کے بعد ایک دوسرے سے تعارف ہؤا تو پتہ چلا کہ اس محفل میں ام عبد منیب ، آسیہ راشد ، عفت قریشی، سامیہ احسن اور بہت سی نامور رائٹر ز موجود ہیں۔ میںاُس دن بہت پر جوش تھی ۔ جن کے نام میں نے رسالوں کے صفحات پر دیکھے تھے انہیں آج اپنی آنکھوں سے…

نسخہ – نور نومبر ۲۰۲۰

’’ چوہدری صاحب آپ نے لائبہ بیٹی کے بارے میں کیا سوچا ہے ۔‘‘ بیگم رابعہ نے چوہدری نثار کو مخاطب کر کے فکر مندی سے پوچھا۔ چوہدری صاحب کے ماتھے پر بل پڑ گئے ۔
’’کیوں ؟ کیا ہوا ہے میری بیٹی کو جو میں اس کے بارے میں سوچوں؟‘‘ بیگم رابعہ نے سر جھکا کر کہا :
’’ اس مرتبہ بھی وہ پانچویںجماعت میں فیل ہو گئی ہے ۔ اگر اس کی عمر کا حساب کریں تو خیر سے اسے آٹھویں جماعت میں ہونا چاہیے تھا مگر وہ ابھی تک پرائمری جماعت کی جان ہی نہیں چھوڑ رہی ۔‘‘چوہدری صاحب نے ہنس کر کہا :
’’ وہ جان نہیں چھوڑ رہی تو جماعت بھی تو اس کی جان نہیں چھوڑ رہی ۔‘‘ بیگم رابعہ نے برا مان کر کہا :
’’آپ اس بات کو مذاق میں نہ ٹالیں اسے میں اپنی طرح بد قسمت نہیں بننے دوں گی ۔‘‘ چوہدری صاحب کو غصہ آگیا:
’’ تم کیسے اپنے آپ کو بد قسمت کہتی ہو؟ حویلی میں رہتی ہو ،گائوں کی چوہدرائن کہلاتی ہو، ہر کام کے لیے دو دو تین تین ملازم ہیں۔تمھاری بہن کی ڈاکٹرانی ہو کر بھی شہر میں اتنی عزت نہیں جتنی گائوں میں تمھاری عزت ہے۔ باقی اپنی بیٹی…