وہؐ ہے شاہِ عرب وہؐ ہے طٰہٰ لقب
وہؐ ہے جانِ جہاں اُس پہ قربان سب
اس جہانِ محبت پہ لاکھوں سلام
مصطفیٰ ؐ جانِ رحمت پہ لاکھوں سلام ؎۱
بے وسیلوں کا تنہا وسیلہ بنا
بے سہاروں کا واحد سہارا بنا
ظلمتِ کفر میں وہ نویدِ سحر
شامِ غم میں سحر کا ستارہ بنا
اس نبیؐ کی رسالت پہ لاکھوں سلام
مصطفیٰ ؐ جانِ رحمت پہ لاکھوں سلام
وہ ہے بحر سخا وہ ہے گنجِ عطا
وہ دعائے خلیل و حبیبِؐ خدا
اس کی شانِ سخاوت پہ لاکھوں سلام
وہ شہِ ذی حَشَم ہے خدا کی قسم
وہ شفیع الامم ہے خدا کی قسم
اس نے راہِ ہدایت دکھائی ہمیں
وہ خدا کا کرم ہے خدا کی قسم
اس چراغِ ہدایت پہ لاکھوںسلام